जय जोहार। रायपुर म रायपुर दक्षिण विधानसभा म भेंट-मुलाकात बर निकले सीएम भूपेश बघेल ह आज जैतू साव मठ म पूजा-अर्चना करीन । वोहा तीर म ही स्थित हनुमान बावली के दर्शन करीन ।
सीएम ह जैतू साव मठ म हेरिटेज वाक काम के लोकार्पण घलो करीन । रायपुर स्मार्ट सिटी लिमिटेड डहार ले हेरिटेज वाक विकासकाम के अंतर्गत एक करोड़ 90 लाख रुपिया के लागत ले पुरानी बस्ती क्षेत्र के ऐतिहासिक अउ धार्मिक धरोहर के सौंदर्यीकरण के संग बुनियादी सुविधा विकसित करे गेहे । ए दउरान रायपुर जिला के प्रभारी मंत्री रविन्द्र चौबे, गौसेवा आयोग के अध्यक्ष महंत रामसुंदर दास, महापौर एजाज ढेबर अउ रायपुर नगर निगम के सभापति प्रमोद दुबे घलो मौजूद रिहीन ।
भेंट-मुलाकात बर निकले मुख्यमंत्री श्री बघेल के पुरानी बस्ती पहुंचे म स्थानीय रहवासी मन ह फूलमाला पहनाके, तिलक लगाके अउ आरती उतारके जोरदार स्वागत करीन । मुख्यमंत्री ह इंहा हनुमान बावली के दर्शन कर पूजा-अर्चना करीन । वोहा बावली ले सटे ऐतिहासिक हनुमान मंदिर म घलो पूजा करीन । आंगनबाड़ी कार्यकर्ता अउ सहायिका मन ह बावली परिसर म मुख्यमंत्री के तिलक लगाके , आरती उतारके, गमछा अउ श्रीफल भेंटकर के स्वागत करीन । वोहा मानदेय म वृद्धि बर मुख्यमंत्री के प्रति आभार व्यक्त करीन । वोहा स्मृति चिन्ह भेंटकर के मुख्यमंत्री के अभिनंदन घलो करीन।
…
No Comment! Be the first one.