chhattisgarh : मुख्यमंत्री भूपेश बघेल ह राष्ट्रपिता महात्मा गांधी के प्रतिमा के करीन अनावरण
जय जोहार। (chhattisgarh) मुख्यमंत्री भूपेश बघेल ह आज अपन भेंट-मुलाकात के चौथइया दिन भटगांव विधानसभा क्षेत्र के बिहारपुर पहुंचीन। मुख्यमंत्री ह इहां तहसील परिसर म राष्ट्रपिता महात्मा गांधी के नवा स्थापित प्रतिमा के अनावरण करीन अउ ओखर मूर्ति म माल्यार्पण कर नमन करीन । मुख्यमंत्री ह ए मउका म उपस्थित मनखे मन ल बधाई अउ सुभकामना दीन ।
मुख्यमंत्री ह किहीन कि छत्तीसगढ़ (chhattisgarh) सरकार ह महात्मा गांधी के ग्राम स्वराज के सपना ल पूरा करे म जुटे हे। गांव आत्मनिर्भर अउ स्वावलंबी बने, एखर बर ग्रामीण अउ किसान के हित म कई ठीन अभिनव योजना ल संचालित करे जात हे। राजीव गांधी किसान न्याय योजना, गोधन न्याय योजना के माध्यम ले खेती-किसानी ल समृद्ध अउ किसान मन ल खुसहाल बनाय के परयास करे जात हे ।
गोधन न्याय योजना ले ग्रामीण क्षेत्र म रोजगार के नवा अवसर ह सुलभ होत हे। (chhattisgarh) ए अवसर म नगरीय प्रसासन मंत्री डॉ. शिव कुमार डहरिया, संसदीय सचिव पारसनाथ राजवाड़े समेत स्थानीय जनप्रतिनिधि अउ ग्रामीण मन उपस्थित रिहीन ।
