मुख्यमंत्री विष्णु देव साय सारंगढ़ बिलाईगढ़ जिला म 137 करोड़ के कार्य के आज करहि भूमिपूजन अउ लोकार्पण

रायपुर। मुख्यमंत्री विष्णु देव साय आज अपराह्न म 3.30 बजे सारंगढ़ के खेलभांठा मैदान म लगभग 137 करोड़ रुपए के लागत ले जिले के कार्य के भूमिपूजन, शिलान्यास अउ लोकार्पण करहि। जिला प्रशासन ह ए कार्यक्रम के तैयारी पूर्ण कर लिन हे। एमा विशेष कार्य, संयुक्त जिला कार्यालय भवन के भूमिपूजन, जिला चिकित्सालय भवन के भूमिपूजन, सामुदायिक स्वास्थ्य केंद्र सारंगढ़ म बीपीएचयू भवन निर्माण अउ जिला चिकित्सालय बर आईपीएचएल भवन निर्माण के भूमिपूजन, जिला म लगभग 8 करोड़ के लागत ले गोदाम निर्माण कार्य के भूमिपूजन विशेष रूप ले शामिल हे। संयुक्त जिला कार्यालय भवन के निर्माण ले जिला के जम्मों विभाग के कार्यालय एक्के स्थान म होहि, जेखर ले जम्मों नागरिक मन ल एक ही स्थान म जम्मों कार्य हो जाहि। इही प्रकार जिला चिकित्सालय के निर्माण ले जिला स्तर के हॉस्पीटल सेटअप स्थापित होहि। जम्मों स्वास्थ्य सुविधा मुहैया होए ले जिला के नागरिक मन ल अन्य शहर जाए के जरूरत नई होही। इही प्रकार गोदाम निर्माण ले धान खरीदी के बेर संग्रहण कार्य म सुविधा मिलहि। इही कड़ी म मुख्यमंत्री विष्णु देव साय एक राष्ट्रीय राजनीतिक दल के जिला कार्यालय भवन के लोकार्पण घलो करहि।