मुख्यमंत्री विष्णुदेव साय ह शहीद जवान मन ल दिन श्रद्धांजलि, कहिन- हिंसा अउ आतंक ल नई करे जाए सहन
रायपुर। मुख्यमंत्री विष्णुदेव साय ह आज दंतेवाड़ा के कारली पुलिस लाइन म सोमवार के बीजापुर जिला के कुटरू-बेदरे मार्ग म ग्राम अंबेली म आईडी ब्लास्ट म शहीद जवान अउ वाहन चालक के पार्थिव शरीर म पुष्पचक्र अर्पित करके ओमन ल भावभीनी श्रद्धांजलि दिन। ओमन ह शहीद जवान मन के परिजन मन ले मुलाकात करिन अउ शोक संवेदना व्यक्त करके ढांढस बंधाइन। मुख्यमंत्री ह कहिन कि हर कदम म राज्य सरकार ह उखर संग हे।
उप मुख्यमंत्री अउ गृहमंत्री विजय शर्मा, वन मंत्री अउ प्रभारी मंत्री केदार कश्यप, बस्तर सांसद महेश कश्यप, विधायक दंतेवाड़ा चौतराम अटामी, विधायक बीजापुर विक्रम मण्डावी, पूर्व सांसद दीपक बैज, पूर्व विधायक देवती कर्मा सहित डीजीपी अशोक जुनेजा, मुख्यमंत्री के सचिव राहुल भगत, एडीजीपी विवेकानंद सिन्हा, कमिश्नर बस्तर डोमन सिंह, आईजी बस्तर रेंज सुंदरराज पी, डीआईजी द्वय कमलोचन कश्यप अउ अमित काम्बले, कलेक्टर मयंक चतुर्वेदी, पुलिस अधीक्षक गौरव राय सहित पुलिस अउ सीआरपीएफ के अधिकारी अउ अन्य जनप्रतिनिधी मन अउ गणमान्य नागरिक ह शहीद जवान अउ वाहन चालक के पार्थिव शव म पुष्प अर्पित करके श्रद्धांजलि दिस।
मुख्यमंत्री साय सहित उपमुख्यमंत्री अउ वन मंत्री ह शहीद जवान बामन सोढ़ी के पार्थिव शरीर ल कंधा देके उखर गृह ग्राम बर रवाना करे गिस। संग म अन्य शहीद जवान अउ वाहन चालक के पार्थिव शव ल उखर गृह ग्राम रवाना करे गिस।
मुख्यमंत्री विष्णुदेव साय ह कहिन कि बीजापुर के कुटरू क्षेत्र म नक्सली मन द्वारा करे गिस कायराना हमला ह केवल हमर जवान मन म, बल्कि लोकतंत्र अउ शांति के मूल्य म प्रहार हे। जवान मन के बलिदान व्यर्थ नइ जाए। नक्सलियों के खात्मा बर अभियान निरंतर जारी रही।
मुख्यमंत्री साय ह कहिन कि कोनो भी हाल म हिंसा अउ आतंक ल सहन नई करे जाए। हमर सरकार बस्तर संभाग म शांति स्थापित करे बर प्रतिबद्ध हे अउ मार्च 2026 तक प्रदेश म नक्सलवाद समाप्त होके रही।
बता दन कि बीजापुर जिला के कुटरू क्षेत्र म नक्सली मन के आईईडी ब्लास्ट के चपेट म आए ले डीआरजी के 8 जवान अउ एक वाहन चालक शहीद होगे।
