CM Bhupesh Baghel ह महाप्रभु वल्लभाचार्य अउ श्री चम्पेश्वर महादेव के करीन दर्शन

जय जोहार। सीएम भूपेश बघेल (CM Bhupesh Baghel) ह आज चंपारण पहुंचके महाप्रभु श्री वल्लभाचार्य अउ चम्पेश्वर महादेव के पूजा-अर्चना करीन। ए दउरान प्रदेश वासी मन के सुख-समृद्धि अउ खुशहाली के प्रार्थना करीन । ए अवसर म वोहा वन गमन परिपथ योजना के अंतर्गत छत्तीसगढ़ टूरिज्म बोर्ड डहार ले क्रियान्वित श्री राम वाटिका अउ अधोसंरचना विकास काम के भूमिपूजन करीन ।

ए मउका म मुख्यमंत्री श्री बघेल ह किहीन कि राम वन गमन पथ ल उत्कृष्ट बनाए जात हे । चंपारण ल घलो राम वन गमन पथ म जोड़े गेहे । वोहा भूमिपूजन के बाद क्षेत्र वासी मन ल बधाई घलो दीन।

ए अवसर म अभनपुर विधायक धनेंद्र साहू, गौ सेवा आयोग के अध्यक्ष महंत रामसुंदर दास, पर्यटन मंडल के अध्यक्ष अटल श्रीवास्तव, जिला पंचायत अध्यक्ष डोमेश्वरी वर्मा, छत्तीसगढ़ टूरिज्म बोर्ड की उपाध्यक्ष चित्ररेखा साहू घलो उपस्थित रिहीन ।