खुद तीन से छः वाले शो देखही मुख्यमंत्री, छपाक ल सपरिवार देखे के करिस अपील

जय जोहार रायपुर.. प्रदेश के मुख्यमंत्री भूपेश बघेल ह छपाक फिल्म देखे बर जाहि, ये जानकारी स्वयम मुख्यमंत्री ह अपन ट्वीट के माध्यम ले दिस, शुरू से छपाक के प्रति शासन सहानुभूति देखात हे, पहिली मध्य प्रदेश अऊ फेर छत्तीसगढ़ सरकार ह ये फिलिम ल टैक्स फ्री कर दिस अऊ मुख्यमंत्री खुद ये फिलिम देखे के बात किहिस, एखर पहिली काली प्रदेश के स्वास्थय मंत्री ह छपाक देख डारे हे, मुख्यमंत्री के सिनेमाघर आय के सूचना के बाद ले सुरक्षा व्यवस्था म अधिकारी मन लग गे हे, बता दन कि छपाक एक सामाजिक बुराई म आधारित फिलिम हे.