जय जोहार। (Raipur) मुख्यमंत्री भूपेश बघेल ह आज रायपुर के नरैया तालाब, महराजबंध तालाब अउ खो-खो तालाब म अवइया गंदा पानी के ट्रीटमेंट बर सीवेज ट्रीटमेंट प्लांट के भूमिपूजन करही । सीएम ह ए कार्यक्रम के संग राजधानी रायपुर म आयोजित कई ठीन कार्यक्रमों म सामिल होही । मुख्यमंत्री श्री बघेल ह राजधानी रायपुर के डी.के.एस. अस्पताल म इलाज बर अवइया मरीज के परिजन मन के ठहरे बर दान स्वरूप 45.50 लाख रुपिया के लागत ले निर्मित आश्रय भवन ‘दाई कोरा’ के लोकार्पण करही ।
(Raipur) मुख्यमंत्री श्री बघेल ह मंझनिया अपन निवास कार्यालय म वसुंधरा सम्मान समारोह म सामिल होय के बाद अपरान्ह 4 बजे शंकर नगर म सासकीय केन्द्रीय ग्रंथालय भवन म अतिरिक्त भवन निर्माण काम के भूमिपूजन अउ केन्द्रीय ग्रंथालय के तृतीय तल म निर्मित सेमीनार हॉल के लोकार्पण करही।
मुख्यमंत्री अपरान्ह 4.35 बजे आश्रय भवन ‘दाई कोरा’ के लोकार्पण करही । मुख्यमंत्री ह सांझा 4.55 बजे ले रायपुर स्मार्ट सिटी परियोजना के तहत तीन ठीन काम के लोकार्पण अउ चार ठीन काम के भूमिपूजन करही । मुख्यमंत्री ह जेन काम के भूमिपूजन करही, ओमा तीन ठीन तालाब बर सीवेज ट्रीटमेंट प्लांट के भूमिपूजन सामिल हे ।
(Raipur) मुख्यमंत्री श्री बघेल ह मंझनिया 12 बजे मुख्यमंत्री निवास कार्यालय म संस्कृति विभाग के सहयोग ले लोक जागरण के मासिक पत्रिका कृति वसुंधरा अउ श्री चतुर्भुज मेमोरियल फाउंडेशन डहार ले आयोजित समारोह म सुविख्यात कवि, लेखक, संपादक लीलाधर मंडलोई ल 22वां वसुंधरा सम्मान प्रदान करही ।
