CM Bhupesh Baghel ह काली जगदलपुर म ’मुख्यमंत्री आदिवासी परब सम्मान निधि योजना’ के करही सुभारंभ
जय जोहार। सीएम भूपेश बघेल (CM Bhupesh Baghel) ह 13 अप्रैल के बस्तर संभाग के मुख्यालय जगदलपुर म ’भरोसे का सम्मेलन’ म ’मुख्यमंत्री आदिवासी परब सम्मान निधि योजना’ के सुभारंभ करही । ए योजना के तहत आदिवासी पर्व अउ त्यौहार के आयोजन बर राज्य सासन डहार ले ग्राम पंचायत ल अनुदान दे जाही । योजना के सुभारंभ के अवसर म मुख्यमंत्री श्री बघेल ह बस्तर संभाग के 1840 ग्राम पंचायत ल पहला किस्त के रूप म 5-5 हजार रुपिया के रासि जारी करही।
’मुख्यमंत्री आदिवासी परब सम्मान निधि योजना’ के तहत अनुसूचित क्षेत्र के ग्राम म जनजाति के उत्सव, त्यौहार के मेला, मड़ई, जात्रा पर्व, सरना पूजा, देवगुड़ी, नवाखाई, छेरछेरा, अक्ती, हरेली आदि उत्सव, त्यौहार, संस्कृति ल संरक्षित करे के उद्देश्य ले प्रत्येक ग्राम पंचायत ल हरेक बछर 10,000 रुपिया के अनुदान रासि दो किस्त म जारी करे जाही ।
मुख्यमंत्री श्री बघेल ह 26 जनवरी के गणतंत्र दिवस के अवसर म आदिवासी समाज के संस्कृति अउ पर्व के परम्परा के संरक्षण बर ’मुख्यमंत्री आदिवासी परब सम्मान निधि योजना’ के घोसना करे रिहीस । वित्तीय बछर 2023-24 के बजट म ए योजना बर 5 करोड़ रुपिया के प्रावधान करे गेहे । ये योजना छत्तीसगढ़ के सबो अनुसूचित क्षेत्र (अनुसूचित जनजाति विकासखण्ड) म लागू होही ।
