CM Bhupesh Baghel ह 2 अप्रैल के दुर्ग ग्रामीण विधानसभा क्षेत्र म करही भेंट-मुलाकात

जय जोहार। सीएम भूपेश बघेल (CM Bhupesh Baghel) ह 2 अप्रैल के दुर्ग ग्रामीण विधानसभा क्षेत्र के ग्राम पुरई म भेंट-मुलाकात समेत जिला के विभिन्न गांव म आयोजित कार्यक्रम म सामिल होही। मुख्यमंत्री श्री बघेल ह निर्धारित कार्यक्रम के अनुसार रायपुर पुलिस ग्राउण्ड हेलीपेड ले पूर्वान्ह 11.40 बजे हेलीकॉप्टर डहार ले रवाना होके मंझनिया 12 बजे दुर्ग जिले के ग्राम निकुम पहुंचही। सीएम ह उंहा ले कार ले ग्राम तिरगा आही । सीएम ह इंहा राष्ट्रपिता महात्मा गांधी अउ दाऊ स्वर्गीय प्यारेलाल बेलचंदन के प्रतिमा के अनावरण करही अउ भूमिपूजन कार्यक्रम म सामिल होही ।

ए कार्यक्रम के बाद मुख्यमंत्री ह मंझनिया 1 बजे ग्राम निकुम आही। इंहा ‘स्वर्गीय दाऊ रामचंद्र देशमुख प्रदेस स्तरीय नाचा गम्मत महोत्सव‘ म सामिल होही । सीएम श्री बघेल ह ग्राम निकुम ले कार डहार ले मंझनिया 2.05 बजे दुर्ग ग्रामीण विधानसभा क्षेत्र के ग्राम पुरई पहुंचही। इंहा 2.35 बजे भेंट-मुलाकात म सामिल होही ।

मुख्यमंत्री श्री बघेल ह ग्राम पुरई ले हेलीकॉप्टर ले 4.15 बजे भिलाई आही अउ सर्किट हाउस दुर्ग म संझा 6 बजे विभिन्न प्रतिनिधिमंडल ले भेंट करही । मुख्यमंत्री ह रात 7.30 बजे सर्किट हाउस दुर्ग म समीक्षा बइठक म सामिल होही ।