जय जोहार। सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात अभियान के तहत 18 जनवरी के तख्तपुर विधानसभा क्षेत्र के ग्राम बेलपान अउ खैरी म आमजनता ले भेंट-मुलाकात करही। ए दउरान सीएम ह ओखर समस्या अउ आवेदन के निराकरण करे के संग ही सासन के योजना के क्रियान्वयन के संबंध म फीडबैक लेही ।
सीएम भूपेश बघेल (CM Bhupesh Baghel) ह निर्धारित दउरा कार्यक्रम के तहत 18 जनवरी के बिहनिया 11 बजे जैन इंटरनेशनल स्कूल सकरी, बिलासपुर ले हेलीकॉप्टर डहार ले प्रस्थान कर 11.20 बजे विधानसभा तख्तपुर अंतर्गत ग्राम बेलपान पहुंचेही। उंहा आम जनता ले भेंट-मुलाकात करही । एखर बाद मुख्यमंत्री ह मंझनिया 1.55 बजे ग्राम खैरी पहुंचही अउ 2.35 बजे ले आम जनता ले भेंट-मुलाकात करही ।
सीएम भूपेश बघेल (CM Bhupesh Baghel) ह ग्राम खैरी ले मंझनिया 4.15 बजे कार ले प्रस्थान कर विधानसभा तख्तपुर अंतर्गत ग्राम खपरी पहुंचही। इंहा संझा 6.30 बजे ले विभिन्न जनप्रतिनिधि मंडल ले भेंट करही । मुख्यमंत्री ह 18 जनवरी के रात्रि विश्राम ग्राम खपरी म करही ।
No Comment! Be the first one.