जय जोहार। मुख्यमंत्री भूपेश बघेल (CM Bhupesh Baghel) ह 27 मई के कोण्डागांव विधानसभा क्षेत्र के ग्राम माकड़ी अउ राजागांव म मनखे मन ले भेंट-मुलाकात करही। एखर बाद कोण्डागांव म आमचो सरगी प्रकृति हर्र के उद्घाटन अउ आदिवासी सम्मेलन म सामिल होही । मुख्यमंत्री ह एखर पूर्व जगदलपुर म अधिकारी मन के बइठक लेके शासकीय योजना अउ कारीकरम के क्रियान्वयन के अद्यतन स्थिति के समीक्षा अउ मीडिया प्रतिनिधि ले चर्चा करही ।
जारी दउरा कारीकरम के अनुसार सीएम भूपेश बघेल (CM Bhupesh Baghel) ह 27 मई के बिहनिया 10 बजे अधिकारी मन के बइठक लेके शासकीय योजना अउ कारीकरम के प्रगति के समीक्षा करही। एखर बाद मीडिया प्रतिनिधि ले मुलाकात अउ चर्चा करही । मुख्यमंत्री ह बिहनिया 11 बजे स्वामी आत्मानंद इंग्लिश मीडियम स्कूल के मुआयना करे के बाद जगदलपुर एयरपोर्ट ले हेलीकॉप्टर डहार ले माकड़ी जाही। उहाँ मंझनिया 12.05 बजे ले 01.05 बजे तक आम मनखे मन ले भेंट-मुलाकात के बाद राजागांव जाही ।
सीएम भूपेश बघेल (CM Bhupesh Baghel) ह राजागांव म दोपहर 01.25 बजे ले 2.25 बजे तक आम मनखे मन ले भेंट-मुलाकात करे के बाद 3.20 बजे जिला मुख्यालय कोण्डागांव पहुंचही । मुख्यमंत्री ह कोण्डागांव म आमचो सरगी प्रकृति हर्र के उद्घाटन करही अउ संझा 5.30 बजे आयोजित आदिवासी समाज के सम्मेलन म सामिल होही।
No Comment! Be the first one.