chhattisgarh : मुख्यमंत्री ह आज कांकेर ले गोधन न्याय योजना के हितग्राही मन ल करही 15 करोड़ 37 लाख रुपिया के भुगतान

जय जोहार। (chhattisgarh) मुख्यमंत्री भूपेश बघेल ह आज कांकेर जिला मुख्यालय म आयोजित कारीकरम के दउरान गोधन न्याय योजना के तहत पशुपालक ग्रामीण, गौठान ले जुड़े महिला समूह अउ गौठान समिति ल 15 करोड़ 37 लाख रुपिया ऑनलाइन जारी करही, जेमा 16 मई ले 31 मई तक राज्य के गौठान म पशुपालक ग्रामीण, किसान, भूमिहीन ले गोधन न्याय योजना के तहत क्रय करे गोबर के एवज म 3.36 करोड़ रुपिया के भुगतान, गौठान समिति ल 7.23 करोड़ अउ महिला समूह ल 4.78 करोड़ रुपिया के लाभांस रासि सामिल हे ।

उल्लेखनीय हे कि मुख्यमंत्री भूपेश बघेल ह अपन वायदा के मुताबिक गोधन न्याय योजना के रासि ल हरेक पखवाड़ा नियमित रूप ले भुगतान करत हे । ए वायदा के मुताबिक 5 जून के गोधन न्याय योजना के रासि हितग्राही मन ल जारी करही ।