रायपुर। मुख्यमंत्री विष्णुदेव साय ह बीजापुर के पत्रकार मुकेश चंद्राकर के निर्मम हत्या के घटना के कड़ा निंदा करत किहिन कि ए हत्याकांड म शामिल कोनो भी व्यक्ति ल बख्शे नई जाए। मुख्यमंत्री साय ह ए मामला के गंभीरता ल देखत अतिरिक्त पुलिस अधीक्षक आईपीएस मयंक गुर्जर के नेतृत्व म 11 सदस्यीय विशेष जांच दल (SIT) के गठन करिन हे। फारेंसिक टीम साइंटिफिक अउ तकनीकी साक्ष्य के आधारम घटना के जांच करत हे। ए मामला म अब तक तीन आरोपी ल गिरफ्तार करे गे हे अउ उखर अवैध निर्माण ल ध्वस्त करे गिस हे।
मुख्यमंत्री साय ह कहिन कि ए प्रकार के घटना के पुनरावृत्ति न हो, एखर बर आरोपी मन ल कड़ा ले कड़ा सजा दिलाए के निर्देश दे गे हे। हमार सरकार अपराधी मन के खिलाफ सख्त रुख अपनाहि अउ पत्रकार मन के सुरक्षा घलो सुनिश्चित करही। मुख्यमंत्री साय ह कहिन कि प्रदेश म कानून व्यवस्था ल बनाए रखना सरकार के सर्वोच्च प्राथमिकता हे। पत्रकारिता ल लोकतंत्र के चौथा स्तंभ बतात, मुख्यमंत्री ह कहिन कि पत्रकार मन के स्वतंत्रता अउ उखर सुरक्षा सुनिश्चित करना सरकार के दायित्व हे।
