एक संघरा आइस मनीष मानिकपुरी अउ मोहित साहू, चेक के लेन-देन करत आइस नजर

रायपुर। पहली जनवरी ल इंडस्ट्री म एकठन सनसनीखेज तस्वीर सामने आए हे। जेमा मनीष मानिकपुरी सपत्नीक मोहित साहू के संग हे अउ मोहित ओला चेक देत हे। फिल्म गुईयां 1 क बेरा ले दुनों के बीच कंट्रोवर्सी चलत रिहीन हे। हालांकि सार्वजनिक तौर म दुनों ह कभु एक दूसर के बुराई नई करिन। इंडिविजुअल जरूर कहत रहय। चर्चा त ए घलो रिहीन कि दुनों के बीच दूरी लाए म एक डीओपी के हाथ रहिन। लेकिन खुद मनीष एक एक्टर ल एखर जिम्मेदार ठहरात रहिन। खैर, मनीष मानिकपुरी अउ मोहित साहू के गठजोड़ हमन ल ए बताथे कि दुनिया म कोनो भी चीज स्थाई नइ रहय। चाहे ओ पद हो, कुर्सी हो, प्यार हो या फेर दुश्मनी।

ट्रेड म हर कोई जानत हे कि मनीष मानिकपुरी थोड़ कुन समय ले अस्वस्थ चलत हें, हालांकि ओखर विल पॉवर कमाल के हे। ओला घलो कोनो दिलदार अउ बड़े प्रोडक्शन हाउस के तलाश रहीन, जेन अब पूरा होगे हे।

मनीष मानिकपुरी के तीर एकमात्र हिट मूवी गुईयां ही हे। लेकिन चूंकि फिल्म म अमलेश नागेश रिहीन। जब चेहरा बड़े हों त ओपनिंग के टेंशन ज्यादा नई रहय अउ आपके ओपनिंग ही फिल्म के दिशा तय करथे। एखर फायदा मनीष ल मिलिस। बाकी अन्य फिल्म बॉक्स ऑफिस म कुछ खास कमाल नई कर पाईन, लेकिन सराहे गिस। उम्मीद हे एन माही ले दोबारा जुड़के ओला क्रिएशन के अच्छा मौका मिलही।