अरपा नदी म डूबे ले लइका के मउत, परिवार म छा गे मातम

बिलासपुर। अरपा नदी घाट म नहाए बर गे रिहिस एक झन लइका के पानी म डूबे ले मउत हो गे। वो लइका ह पांचवी कक्षा म पढ़त रिहिस। ये घटना ले मोहल्ला म घलो मातम छा गे हे।

बतात हे कि गोड़पारा म रहईया लव-कुश मन जुड़वा भाई रहीस, जेन ह मुन्नू लाल स्कूल म पांचवी कक्षा पढ़त रिहिस। गुरुवार के मंझनिया करीब 1 बजे लव अउ कुश दूनो भाई स्कूल ले वापस आके दयानंद स्कूल के पास अरपा घाट म नहाय बर गे रिहिस। इही दउरान कुश ह पानी म डूब गे, जेखर सती ओकर मौका म ही मउत हो गे।

घटना के सूचना मिले के बाद पुलिस ह मौका म पहुंच के शव ल बाहर निकालिस अउ पंचनामा के बाद शव के पोस्टमार्टम बर मरचुरी भेजीस हे। इस मार्मिक घटना ले नामदेव परिवार के संगे-संग मोहल्ले म घलो शोक के लहर फैल गे हे।