कोरबा, रायपुर। कोरबा के एमपी नगर म एक ठन चिटफंड कंपनी सर्वमंगला प्रापर्टी इंडिया लिमिटेड के कोथारी गांव म 64 डिसमिल जमीन हे, जेला कुर्की करके के अंतरिम आदेश उहां के जिला दंडाधिकारी किरण कौशल ह जारी करे हे। करतला के तहसीलदार ल ये जमीन ल कब्जा कर जल्दी से सूचना देय बर भी निरदेश दे हे। ओ चिटफंड कंपनी के खिलाफ म कोरबा जिला के रामपुर पुलिस चौकी म अपराध दर्ज कराय गे हे। ये संबंध म मुख्य न्यायिक मजिस्ट्रेट कोरबा के न्यायालय म ये प्रकरण ह विचाराधीन हे। न्यायालय के आखिरी आदेश जारी हो ही तेखर बाद संपत्ति ल कुर्की करे जाही।
चिटफंड कंपनी सर्वमंगला प्रापर्टी इंडिया लिमिटेड कोरबा के मुखिया ब्रजकिशोर भटट्र, रामकिशोर चौहान, अशोक श्रीवास, विष्णु प्रसाद चौधरी, शांतिदास मानिकपुरी, रामसागर प्रजापति ह लोगन मन ल दुगुना ब्याज देबो कहिके ओखर मन से पैसा जमा करवाय रिहिस हे। ये मन ह फेर अचानक कंपनी ल बंद करके भाग गिस। ये कंपनी के मुखिया मन के खिलाफ धोखा देके पैसा गबन करे के रिपार्ट पुलिस चौकी रामपुर में दर्ज हे।
