chhattisgarh : नागरिक उड्डयन केंद्रीय मंत्री ज्योतिरादित्य सिंधिया ह काली आही छत्तीसगढ़ प्रवास म, केंद्रीय बजट 2022 संगोष्ठी म होही सामिल, पढ़व
जय जोहार…. नागरिक उड्डयन केंद्रीय मंत्री ज्योतिरादित्य एम. सिंधिया ह काली (chhattisgarh) छत्तीसगढ़ प्रवास म आवत हे । भारतीय जनता पार्टी के प्रदेस मीडिया प्रभारी नलिनीश ठोकने ह बताइन कि केंद्रीय मंत्री ज्योतिरादित्य एम. सिंधिया अपन एक दिन के प्रवास म 5 फरवरी के बिहनिया 11 बजे राजधानी रईपुर के विमानतल पहुंचही।
एखर बाद सड़क मार्ग ले (chhattisgarh) भाजपा प्रदेस कार्यालय बिहनिया 11:20 बजे पहुँचही। मंझनिया 12 बजे प्रदेस भाजपा कार्यालय कुशाभाऊ ठाकरे परिसर म पत्रकार वार्ता ल संबोधित करही । एखर बाद होटल बेबीलान इन जेल रोड म मंझनिया 2:15 बजे केंद्रीय मंत्री ज्योतिरादित्य एम. सिंधिया ह केंद्रीय बजट 2022 संगोष्ठी कारीकरम म सामिल होही ।
भाजपा प्रदेश मीडिया प्रभारी नलिनीश ठोकने ह बताइन कि केंद्रीय नागरिक उड्डयन केंद्रीय मंत्री ज्योतिरादित्य एम. सिंधिया के छत्तीसगढ़ (chhattisgarh) प्रवास कारीकरम के प्रभारी भाजपा प्रदेस महामंत्री भूपेंद्र सवन्नी ल बनाय गेहे । केंद्रीय मंत्री ज्योतिरादित्य एम. सिंधिया संझा 5:00 बजे स्वामी विवेकानंद विमानतल रईपुर ले दिल्ली प्रस्थान करही ।
