Corona: छत्तीसगढ़ म कोरोना के 215 नवा मरीज मन के होइस पहचान, राजधानी में सबले जादा 106 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म आज कोरोना के 215 नवा मरीज मिले हे। जेमा ले राजधानी रायपुर ले सबले जादा 106 नवा मरीज ह सामने आय हे। उहचे 61 मरीज मन ल बने होय के बाद डिस्चार्ज कर दे गे हे।

आज जेन कोरोना (corona) के नवा मरीज ह मिले हे, ओमा रायपुर ले 106, दुर्ग ले 23, राजनांदगांव ले 18, बिलासपुर अउ सरगुजा ले 8, जांजगीर-चांपा ले 7, गरियाबंद ले 5, जशपुर ले 4, रायगढ़ अउ मुंगेली ले 3-3, दंतेवाड़ा ले 2, बलौदाबाजार एवं धमतरी ले एक-एक मरीज शामिल हे। उहचे ए वायरस ले आज तीन मरीज मन के मौत हो गे हे।

बता देन कि प्रदेश म कोरोना (corona) संक्रमित मरीज मन के संख्या ह 4976 पहुंच गे हे। जेमा ले सक्रिय मरीज ह 1140 है। उहचे 3512 लोगन मन ह बने होय के बाद अपन घर लहुट चुके हे।