Chhattisgarh: छेरछेरा पुन्नी म कांकेर म दुकान अऊ घर म जाके सीएम भूपेश बघेल ह मांगे हे दान, पढो पूरा खबर
जय जोहार…. (Chhattisgarh) छत्तीसगढ़ के प्रसिद्ध लोक पर्व छेरछेरा पुन्नी के अवसर म सीएम भूपेश बघेल ह आज बिहनिया जिला मुख्यालय कांकेर के पुराना बस स्टैंड के मुख्य मार्ग म दुकान अऊ घर म जाके छेरछेरा पुन्नी के दान मांगे हे। ए दौरान महिला मन ह तिलक लगा के सीएम बघेल के स्वागत करिन अऊ ओ मन ल चावल, लड्डू अऊ फल भेंट करिन। छेरछेरा पर्व म सीएम बघेल ल धान ले तौले गिस।
ए अवसर म (Chhattisgarh) सीएम बघेल ह कहिन कि नवा फसल के घर आय के खुशी म महादान के ये उत्सव ल पौष मास के पूर्णिमा के छेरछेरा पुन्नी तिहार के रूप म मनाए जावत हे। छेरछरा पुन्नी म लईका, युवा, किसान, मजदूर अऊ महिला मन के टोली ह घर-घर जाके छेरछेरा पुन्नी के दान मांगथे।
ए तिहार म समानता के भाव ह प्रमुखता ले उभर के सामने आवत हे। (Chhattisgarh) धनी अऊ गरीब व्यक्ति ह एक-दूसर के घर दान मांगे ल जावत हे अू दान म एकत्र धान, राशि अऊ सामग्री ल गांव म रचनात्मक कार्य म लगाए जावत हे।
