जय जोहार…. (Chhattisgarh) प्रदेश के सीएम भूपेश बघेल ह आज प्रधानमंत्री नरेंद्र मोदी ल पत्र लिखे हे। ए पत्र म सीएम बघेल ह प्रधानमंत्री मोदी ल छत्तीसगढ़ म 18 बच्छर ले उपर उमर के सबो मनखे मनल मुफ्त वैक्सीन दे के जानकारी दे हे।
पत्र म (Chhattisgarh) सीएम बघेल ह केंद्र सरकार ले 4 जानकारी मांगे हे। सीएम बघेल ह लिखे हे कि मुफ्त वैक्सीनेशन बर ये जानकारी राज्य सरकार ल होना आवश्यक हे। पत्र के माध्यम ले सीएम बघेल ह भारत सरकार के तरफ ले प्रदान करे जवइया वैक्सीन के डोज के जानकारी मांगे हे। सीएम बघेल ल सीरम इंस्टट्यूट अउ भारत बायोटेक के ओर ले माहवार राज्य ल उपलब्ध कराए जवइया वैक्सीन, अनुमानित संख्या अउ दर के घलो जानकारी मांगे हे।
(Chhattisgarh) सीएम बघेल ह केंद्र अउ राज्य सरकार ले वैक्सीन के समान दर ले जाये के मांग केंद्र सरकार ले करे हे। वो हा कहिन कि केंद्र अउ राज्य सरकार के आय के जरिया नागरिक मन ले मिलइया कर हे अऊ भारत बायोटेक ह केंद्र सरकार के सहयोग ले वैक्सीन विकसित करे हे। एखर सेती भारत बायोटेक के तरफ ले वैक्सीन के कीमत सीरम ले कम होना चाही।
