सीएम बघेल ह प्रधानमंत्री मोदी ल लिखिस चिट्ठी, 30 हजार करोड़ के आर्थिक पैकेज के करिस मांग
जय जोहार रायपुर…. मुख्यमंत्री भूपेश बघेल ह प्रधानमंत्री नरेंद्र मोदी ल पत्र लिखे हे। एमा मुख्यमंत्री ह लाखों जरूरतमंद परिवार मन बर राहत अऊ कल्याणकारी योजना मन के संचालन अऊ राज्य के सामान्य कामकाज के संचालन बर राज्य ल अवइया तीन महीना म केंद्र के ओर ले कम ले कम 30 हजार करोड़ के आर्थिक सहायता दे के आग्रह करे हे। मुख्यमंत्री ह ए राशि ले 10 हजार करोड़ रूपिया तत्काल जारी करे ल आग्रह करे हे, ताकि उद्योग, व्यवसाय, सेवा क्षेत्र अऊ कृषि ल आर्थिक सहायता दे जा सके।
मुख्यमंत्री ह एखर संगेसंग राज्य म कोविड 19 के प्रसार के नियंत्रित स्थिति ल देखत हुए राज्य ल आंशिक राजस्व प्राप्ति ले संबंधित आर्थिक गतिविधि मन के संचालन के छूट तत्काल प्रदान करे के आग्रह करिन। सीएम ह पत्र म लिखे हे कि मिठाई दुकान के संचालन के छूट दे जाए, जेखर ले दुग्ध उत्पादक कृषक मन के दूध बिकना संभव हो सके। सीएम ह लिखे हे कि संपत्ति के क्रय विक्रय के पंजीयन के छूट समेत वाहन मन के शो रूम के संचालन अऊ पंजीयन, शहर मन म निर्माण कार्य मन के संचालन, ग्रीष्म ऋतु ल देखत हुए एयर कंडिशनर, कूलर अऊ फ्रिज के शो रूम के संचालन, समस्त प्रकार के रिपेयरिंग कार्य अऊ सबो ग्रीन जिला मन म सबो प्रकार के रीटेल कार्य खोलना उचित होही।
