जय जोहार…. सीएम (cm) भूपेश बघेल ह केन्द्रीय पंचायती राज अउ ग्रामीण विकास मंत्री नरेंद्र तोमर ल पत्र लिखे हे।
एमा केंद्रीय मंत्री ले छत्तीसगढ़ के ग्रामीण क्षेत्र म कनेक्टीविटी बर 454 स्टील ब्रिज के निर्माण बर 1100 करोड़ रूपिया के राशि ल स्वीकृत करे के आग्रह करे हे।
सीएम (cm) बघेल ह पत्र म लिखे हे कि छत्तीसगढ़ सरकार ह नक्सल प्रभावित क्षेत्र के चहुमुखी विकास बर ए इलाका म रद्दा के निर्माण बर दृ़ढ़ संकल्पित हे।
प्रदेश के 44 फीसद भू-भाग ह वन ले अच्छादित हे अउ 26 फीसद जनसंख्या ह ग्रामीण हे, जेमा ले बड़का संख्या म आदिवासी वन के लोगन मन ह हे।
सीएम (cm) बघेल ह पत्र म लिखे हे कि छ्त्तीसगढ़ के बड़का भू-भाग ह दुर्गम हे। जमीन के उत्पादकता वृद्धि, संपत्ति के निर्माण, रोजगार सृजन, कृषि उपज के नुकसान ल कम करे ल अउ लोगन मन के जीवन स्तर ल सुधारे बर ग्रामीण क्षेत्र म रद्दा के निर्माण ह आवश्यक हे।
Other Articles
Chhattisgarh म अब नई लगही लॉकडाउन, प्रदेश सरकार के बड़का फइसला
