सीएम भूपेश बघेल के अजय चंद्राकर उपर हमला

छत्तीसगढ़ी कहावत के जरिए साधिस निशाना

रायपुर. छत्तीसगढ़ के मुख्यमंत्री भूपेश बघेल ह भाजपा के पूर्व मंत्री अजय चंद्राकर उपर जम के निशाना साधिस हे. अजय चंद्राकर उपर एक छत्तीसगढ़ी कहावत ले सीएम ह ताना मारिस हे. गुरुवार के मुख्यमंत्री भूपेशबघेल धमतरी जिला म कार्यकर्ता सम्मेलन म सामिल होए बर पहुंचे रिहिस हे.

कुरूद म आयोजित कार्यकर्ता सम्मलेन ल संबोधित करिन. इहीं दउरान सीएम बघेल अजय चंद्राकर उपर निशाना साधत हुए छत्तीसगढ़ी के एक कहावत कहिन. उमन कहिन, ‘नकटा के नाक कटे, सवा बिता रोज बाढ़े’, जेखर मतलब हवय बेशर्म मन ल जल्दी शर्म नइ आवय. दरअसल, अजय चंद्राकर ह दावा करिन के अगर 10 दिन मन किसान मन के कर्ज माफी हो जाही. त उमन इस्तीफा दे दिही. अब किसान के कर्ज माफी होए के बाद घलो अजय चंद्राकर के इस्तीफा नई देय म सीएम भूपेश बघेल ह ताना मरिस.

मुख्यमंत्री भूपेश बघेल के ये बयान के बाद अजय चंद्राकर ह घलो सीएम उपर निशाना साधिस हे. अजय चंद्राकर ह कहिस के भूपेश बघेल जे भाखा के इस्तेमाल करत हे वो मुख्यमंत्री के लेवल के भाषा नईए. मुख्यमंत्री के स्तर के भाखा सीखे बर भूपेश बघेल ल अभु अउ वक्त लगही.