सीएम भूपेश बघेल ह करिन ट्वीट…‘ जे कहेन, वो करेन’

रायपुर. चिटफंड कंपनी पीएसीएल म रकम गंवा चुके लोगन मन बर राहत के खबर हे, सुप्रीम कोर्ट के आदेस के बाद उंखर रकम लौटाए जाही. एखर बर निवेश करइया लोगन ल 1 मार्च ले ऑनलाइन आवेदन करना हो ही. पीएसीएल लिमिटेड के निवेशक मन के रकम वापसी बर दावा करइया मन के मदद बर जिला अउ जनपद स्तर म मदद करे बर नोडल अउ कंप्यूटर तकनीकी अधिकारी मन के घलो नियुक्ति करे गेहे.

सीएम ह करिन ट्वीट

पीएसीएल चिटफंड कंपनी म अपन पइसा गवां चुके लोगन बर ए राहत भरे खबर हवय.
इहीं कारण हे के एला ले के प्रदेश के मुख्यमंत्री भूपेश बघेल ह घ ट्वीट करिन. उमन ट्वीट म कहिन के, ‘ जे कहेन, वो करेन – वादा के अनुसार लाखों चिटफंड पीड़ित मन के डूबे पइसा के वापसी के औपचारिक प्रक्रिया आज ले सुरू हो गिस हे. आप मन अपन जनपद पंचायत म नि:सुल्क सुविधा केंद्र म जा के फॉर्म भर सकत हव. पहिली सरकार ह आप मन के जमीन लौटाइस अउ अब आप मन के पइसा लौटाए के बारी हे.’