Chhattisgarh : मुख्यमंत्री भूपेश बघेल ल चुने गे हे निर्विरोध छत्तीसगढ़ ओलंपिक संघ के अध्यक्ष

जय जोहार…. छत्तीसगढ़ (chhattisgarh) ओलंपिक संघ के नवा कार्यकारिणी के गठन करे गे हे। एमा सीएम भूपेश बघेल ल निर्विरोध ओलंपिक संघ के अध्यक्ष चुने गे हे। उहचे महासचिव पद पर गुरुचरण सिंह होरा घलो निर्विरोध निर्वाचित होय हे।
छत्तीसगढ़ (chhattisgarh) ओलंपिक संघ के नवा कार्यकारिणी चुने बर आज  बइठक होइस। एमा  सिरिफ कोषाध्यक्ष पद बर बेलेट पेपर ले चुनाव होय हे। जेमा साहिराम जाखड़ ह 52 वोट प्राप्त कर जीत हासिल करे हे।
(chhattisgarh) बचे 10 उपाध्यक्ष अउ छह सहसचिव बर निर्विरोध निर्वाचन होय हे। उपाध्यक्ष पद म डॉ ए फरिश्ता, अखिल धगट, बसीर अहमद खान, देवेंद्र यादव, गजराज पगरिया, जीएस भांमरा, शरद शुक्ला, कैलाश मुरारका, विजय अग्रवाल अउ विनोद चंद्राकर चुने गे हे।
उहचे सहसचिव के छह पद म अभिजीत मिश्रा, अरुण कुमार द्विवेदी, मनीष श्रीवास्तव, एनआर पराशर, विजय कुमार अग्रवाल अउ डॉ विष्णु श्रीवास्तव चुने गे हे।