chhattisgarh :सीएम भूपेश बघेल ह मुंगेली अउ बेमेतरा जिला म करिन विकास अउ निर्माण कार्य के वर्चुअल भूमिपूजन-लोकार्पण

जय जोहार…. (chhattisgarh ) मुख्यमंत्री भूपेश बघेल ह आज अपन निवास कार्यालय म आयोजित वर्चुअल कार्यक्रम म मुंगेली अउ बेमेतरा जिला म 448 करोड़ 77 लाख रुपया के विकास अउ निर्माण कार्य के लोकार्पण-भूमिपूजन करिन, जेमा मुंगेली जिला म 276 करोड़ 12 लाख रुपया के लागत के विकास कार्य अउ बेमेतरा जिला म 172 करोड़ 65 लाख रुपया के लागत ले विकास अउ निर्माण कार्य सामिल हे।

उल्लेखनीय हे की (chhattisgarh ) मुख्यमंत्री भूपेश बघेल ह वर्चुअल कार्यक्रम के माध्यम ले मुंगेली, बेमेतरा समेत दुर्ग, बालोद, महासमुन्द, बलौदाबाजार-भाटापारा, कबीरधाम, राजनांदगांव अउ धमतरी जिला ल 5 दिन म 3 हजार 123 करोड़ रुपया के लागत के विकास अउ निर्माण कार्य के सौगात दे चुके हे।

ए अवसर म मुख्यमंत्री निवास कार्यालय म (chhattisgarh ) कृषि मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा, महिला अउ बाल विकास मंत्री श्रीमती अनिला भेडि़या, मुख्यमंत्री के अपर मुख्य सचिव सुब्रत साहू उपस्थित रिहिन । स्वास्थ्य मंत्री टी.एस. सिंहदेव, संसदीय सचिव गुरू दयाल सिंह बंजारे, सांसद अरूण साव, विधायक धरमजीत सिंह, पुन्नु लाल मोहले, आशीष छाबड़ा, नगरीय अउ पंचायती राज संस्थाओं के पदाधिकारी मन ह कार्यक्रम में वर्चुअल म रूप ले सामिल होइस हे।