CM Bhupesh Baghel ह बलौदा म नवनिर्मित थाना के करीन लोकार्पण

जय जोहार । सीएम भूपेश बघेल (CM Bhupesh Baghel) ह आज सरायपाली विधानसभा के बलौदा म नवनिर्मित थाना के लोकार्पण करीन । ए थाना के निर्माण ल एक करोड़ 97 लाख रुपिया के लागत ले करे गेहे । गौरतलब हे कि बलौदा पुलिस चौकी पहिली सराईपाली थाना के अंतर्गत रिहीन । ए चौकी के पुलिस थाना म उन्नयन ले आसपास के 60 ठीन गांव के मनखे मन ल सुरक्षा व्यवस्था मिलही ।

ए अवसर म सीएम भूपेश बघेल (CM Bhupesh Baghel) ह छत्तीसगढ़ महतारी के पूजा-अर्चना करण अउ पहिली रोजनामचा दर्ज कर थाना के विधिवत सुरुवात करीन । मुख्यमंत्री ह थाना परिसर म कदम के पौधा के घलो रोपण करीन । वोहा ग्राम कोटवार मन के संग ग्रुप फोटो घलो खिंचवाइन।

ए अवसर म गृह मंत्री ताम्रध्वज साहू,संसदीय सचिव सेवनलाल चंद्राकर, सरायपाली विधायक किस्मत लाल नंद ,बसना विधायक देवेंद्र बहादुर सिंह,अपर मुख्य सचिव सुब्रत साहू, पुलिस महानिदेशक अशोक जुनेजा, प्रबंध संचालक पुलिस हाउसिंग कारपोरेशन, पवन देव ,पुलिस महानिरीक्षक रायपुर रेंज शेख आरिफ हुसैन, महासमुंद कलेक्टर और पुलिस अधीक्षक उपस्थित रिहीन ।