Chhattisgarh: सीएम भूपेश बघेल ह करिन सीजी टीका वेबपोर्टल के सुभारंभ, कोरोना टीकाकरण बर पंजीयन करइया ल मिलही स्थान अउ बेरा के सही जानकारी
जय जोहार…. (Chhattisgarh) सीएम भूपेश बघेल ह राज्य के 18 ले 44 बच्छर के सबो वर्ग के मनखे मन बर सुविधाजनक टीका लगवाए के व्यवस्था ल सुनिश्चित करे बर आज संझा अपन निवास कार्यालय ले वीडियो कांफ्रेंसिंग ले सीजी टीका वेब पोर्टल के सुभारंभ करे हे।
ये वेब पोर्टल ल चिप्स के तरफ ले तैयार करे गे हे। (Chhattisgarh) जेमा आनलाइन पंजीयन के संगेसंग ये सुविधा घलो हे कि बिना मोबाइलधारी मनखे ह घलो जिला प्रशासन के तरफ ले पंचायत, नगरीय निकाय अउ नगर निगम समेत दूसर स्थान म स्थापित हेल्प डेस्क के सहयोग ले अपन पंजीयन ए वेब पोर्टल म करा के टीका लगवा सकत हे।
छत्तीसगढ़ (Chhattisgarh) सरकार के सीजी टीका वेब पोर्टल ल इहां के मनखे मन के सामाजिक अउ भौगोलिक परिस्थिति ल धियान म तैयार करे गे हे, ताकि मनखे मन ल टीकाकरण बर कोनो तरह के परेसानी न हो। ए वेब पोर्टल म पंजीयन बर लिंक http://cgteeka.cgstate.gov.in/user-registration म जानकारी ल अपलोड करना होही। पंजीयन के प्रक्रिया ह पूरा होय के बाद संबंधित मनखे ल टीकाकरण के स्थान अउ बेरा के जानकारी ह एसएमएस के जरिए मिल जाही।
