Chhattisgarh के 14 नगर निगम म काली ले हफ्ता के सबो दिन 24 घंटा सुरु होवइया हे रैपिड एंटीजन जांच के सुविधा
जय जोहार… (chhattisgarh) सीएम के निर्देश म कोरोना संक्रमण के लक्षण वाला मरीज मन के जांच बर प्रदेश के 14 नगर निगम क्षेत्र म काली ले सप्ताह म सात दिन 24 घंटा रैपिड एंटिजन जांच के सुविधा प्रारंभ करे जावत हे। एखर बर 14 नगर निगम क्षेत्र म 49 जांच केंद्र बनाए गे हे।
मनखे मन ह दिन या रात कोनो बेरा म ए केंद्र म जाके जांच करा सकही। रायपुर नगर निगम क्षेत्र म 11 जांच केद्र, बिलासपुर नगर निगम क्षेत्र म 10 केंद्र, भिलाई नगर निगम क्षेत्र म 5 केंद्र बनाए गे हे। (chhattisgarh) एखर संगेसंग दुर्ग, राजनांदगांव, रायगढ़, कोरबा अउ अंबिकापुर नगर निगम म तीन-तीन केंद्र, चिरमिरी अउ जगदलपुर नगर निगम म 2-2, केंद्र, बिरगांव, धमतरी, भिलाई-चरोदा, रिसाली म एक-एक केंद्र बनाए गे हे।
(chhattisgarh) रायपुर नगर निगम क्षेत्र म 11 जांच केंद्र बनाए गे हे, जेमा प्राथमिक स्वास्थ्य केन्द्र खोखोपारा, प्राथमिक स्वास्थ्य केन्द्र डी.डी. नगर, प्राथमिक स्वास्थ्य केन्द्र हीरापुर, प्राथमिक स्वास्थ्य केन्द्र गोगांव, प्राथमिक स्वास्थ्य केन्द्र राजातालाब, प्राथमिक स्वास्थ्य केन्द्र देवपुरी, प्राथमिक स्वास्थ्य केन्द्र मोवा, प्राथमिक स्वास्थ्य केन्द्र भाटागांव, प्राथमिक स्वास्थ्य केन्द्र भनपुरी, प्राथमिक स्वास्थ्य केन्द्र गुढियारी, जिला अस्पताल पंडरी सामिल हे।
