जय जोहार…. (Chhattisgarh) मुख्यमंत्री भूपेश बघेल ह आज अपन निवास कार्यालय म छत्तीसगढ़ स्टेट पॉवर डिस्ट्रीब्यूशन कंपनी के मोर बिजली एप के नवा फीचर्स के शुभारंभ करिन। ए अवसर म सीएम बघेल ह कहिन कि छत्तीसगढ़ देश के अइसे पहिला राज्य हे, जिहां विद्युत वितरण कंपनी के तरफ ले उपभोक्ता मन ल विद्युत सेवा के घर बइठे लाभ उपलब्ध कराए बर मोर बिजली एप लांच करे गे हे।
(Chhattisgarh) सीएम बघेल ह कहिन कि ए एप ले उपभोक्ता मन ल बड़का सहूलियत होही। एखर ले विद्युत उपभोक्ता ह विद्युत वितरण कंपनी के 90 प्रतिशत ले जादा सेवा के घर बइठे लाभ प्राप्त कर सकत हे।
ए अवसर म नगरीय प्रशासन मंत्री डॉ शिवकुमार डहरिया, स्कूल शिक्षा मंत्री डॉ प्रेमसाय सिंह टेकाम, मुख्यमंत्री (Chhattisgarh) के अपर सचिव अऊ पॉवर कंपनीज के चेयरमैन सुब्रत साहू, एमडी हर्ष गौतम, राजेश वर्मा, एमके बिजौरा, उज्जवला बघेल समेत आन अधिकारी उपस्थित रिहिन।
