Chhattisgarh : सीएम भूपेश बघेल ह आज दंतेवाड़ा दौरा म, पढ़व पूरा खबर

जय जोहार…. (Chhattisgarh) सीएम भूपेश बघेल ह रविवार के दंतेवाड़ा दौरा म रही। सीएम बघेल ह सबले पहिले हारम हेलीपेड पहुंचही, जिहां दंतेवाड़ा गारमेंट फैंक्टी के लोकार्पण करही। ए कपड़ा फैक्ट्री म तैयार करे गे कपड़ा ल डैनेक्स नाम ले बाजार म विक्रय करे जाही।

उहचे इहां काम करइया महिला मन ले घलो चर्चा करही। एखर बाद (Chhattisgarh) सीएम बघेल ह गमावा़ड़ा म देवगुड़ी के लोकार्पण अऊ अवलोकन करही। उहां ले हाईस्कूल मैदान पहुंच के एक बड़का सभा ल संबोधित करही।

(Chhattisgarh) सीएम बघेल ह शाम 4.30 बजे दंतेश्वरी मंदिर पहुंचही अऊ इहां माई ले प्रदेश के खुशहाली के कामना करही। एर बाद दंतेश्वरी तालाब के सौंदर्यीकरण के लोकार्पण अऊ अवलोकन करही। एखर बाद शाम 5.30 बजे सीएम बघेल ह क्रिकेट टूर्नामेंट के समापन कार्यक्रम म घलो सामिल होही।