CM Bhupesh Baghel ह काली गिरौदपुरी धाम के गुरुदर्शन मेला म होही सामिल, पढ़व
जय जोहार…. (CM Bhupesh Baghel) सीएम भूपेश बघेल ह काली शनिवार के गुरु घासीदास के जन्मभूमि गिरौदपुरी धाम म गुरुदर्शन मेला म सामिल होही। एखर संगेसंग राजनांदगांव अऊ बिलासपुर जिला म आयोजित कार्यक्रम म घलो सामिल होही।
सीएम भूपेश बघेल (CM Bhupesh Baghel) ह तय कार्यक्रम के तहत रायपुर ले दोपहर 12 बजे हेलीकाफ्टर ले रवाना होही अऊ दोपहर 12.25 बजे राजनांदगांव जिला के ग्राम जोगी दल्ली पहुंचही। इहां वीरांगना अवंती बाई लोधी बलिदान दिवस समारोह म सामिल होही। एखर बाद सीएम बघेल ह दोपहर 1.50 बजे बलौदाबाजार-भाटापारा जिला के ग्राम गिरौदपुरी म गुरुदर्शन मेला म सामिल होही।
सीएम भूपेश बघेल (CM Bhupesh Baghel) ह दोपहर 2.40 बजे गिरौदपुरी ले हेलीकाफ्टर ले रवाना होके 3.05 बजे बिलासपुर पहुंचही। इहां होटल मेरियट म न्यायधानी गौरव सम्मान कार्यक्रम म भाग लेही। एखर बाद सीएम बघेल ह शाम 6.30 बजे कार ले मुख्यमंत्री निवास बर रवाना होही।
