chhattisgarh : सीएम भूपेश बघेल ह काली सरगुजा अउ बलरामपुर-रामानुजगंज जिला म 302 कार्य के करही वर्चुअल भूमिपूजन अउ लोकार्पण
जय जोहार…. (chhattisgarh ) सीएम भूपेश बघेल ह काली 15 जून के मंझनिया 12 बजे रायपुर निवास कार्यालय म आयोजित वर्चुअल कार्यक्रम म सरगुजा अउ बलरामपुर-रामानुजगंज जिला म 324 करोड़ 42 लाख 88 हजार रुपया के लागत के 302 कार्य के भूमिपूजन अउ लोकार्पण करही। एमा 107 करोड़ 56 लाख 77 हजार रुपया के 122 कार्य के लोकार्पण अउ 216 करोड़ 86 लाख 12 हजार रुपया के लागत के 180 कार्य के भूमिपूजन सामिल हे।
(chhattisgarh ) सीएम बघेल ह सरगुजा जिला म 247 करोड़ 91 लाख रुपया के 107 अलग अलग विकास कार्य के वर्चुअल भूमिपूजन अउ लोकार्पण करही। एमा 165 करोड़ 33 लाख रुपया के लागत के 82 कार्य के भूमिपूजन अउ 82 करोड़ 58 लाख रुपया के लागत के 25 कार्य के लोकार्पण सामिल हे।
अइसने (chhattisgarh ) मुख्यमंत्री बघेल ह बलरामपुर-रामानुजगंज जिला म 76 करोड़ 51 लाख 88 हजार रुपया के विकास कार्य के लोकार्पण अउ भूमिपूजन करही। एमा 24 करोड़ 98 लाख 76 हजार रुपया के 97 कार्य के लोकार्पण अउ 51 करोड़ 53 लाख 12 हजार रुपया के 98 कार्य के भूमिपूजन सामिल हे।
