सीएम भूपेश बघेल ह प्रधानमंत्री नरेंद्र मोदी ल लिखिस पत्र, तालाबंदी के चलत राज्य ल होवत वित्तीय कठिनाई ले कराइस अवगत
जय जोहार…. मुख्यमंत्री भूपेश बघेल ह प्रधानमंत्री नरेंद्र मोदी ल पत्र लिखे हे। एमा मुख्यमंत्री ह 22 मार्च ले लागू तालाबंदी के चलत राज्य के सामने आवत वित्तीय कठिनाई के ओर ओखर ध्यान दिलाया हे।
मुख्यमंत्री बघेल ह प्रदेश म जरूरतमंद लोग मन ल राहत दे ल अऊ राज्य के कामकाज के संचालन अऊ विकास गतिविधि बर अधिक आर्थिक संसाधन जुटाने के उद्देश्य ले राज्य ल ए वर्ष उधार के सीमा डीएस़डीपी के छह प्रतिशत तक शिथिल करे ल अऊ राज्य के वित्तीय घाटा ए साल जीएसडीपी के पांच प्रतिशत के बराबर रखे के सहमति प्रदान करे के अनुरोध करे हे।
मुख्यमंत्री बघेल ह पत्र म लिखे हे कि कोरोना महामारी के प्रसार ल रोके बर 22 मार्च ले छत्तीसगढ़ समेत देश म करे गिस संपूर्ण तालाबंदी के चलत सबो आर्थिक गतिविधि बंद हे, जेखर ले राज्य के राजस्व म हानि होवत हे। वो हा पत्र म लिखे हे कि भारत सरकार के तरफ ले राज्य ल ए वित्तीय वर्ष के प्रथम 9 माह बर राज्य के शुद्ध उधार सीमा के 50 प्रतिशत के बराबर 5357 करोड़ रूपिया के बाजार ऋण के सहमति प्रदान करे गे हे, जेन अपर्याप्त हे।
सीएम ह लिखे हे कि चूंकि ए वर्ष राज्य के राजस्व प्राप्ति म कमी के आशंका हे। अत: राज्य के शुद्ध उधार सीमा अऊ राजकोषीय उत्तरदायित्व अऊ बजट प्रबंधन अधिनियम के प्रावधान के अनुसार निर्धारित वित्तीय घाटे की सीमा म शिथिलीकरण आवश्यक हे।
