जय जोहार…. मुख्यमंत्री भूपेश बघेल ह प्रधानमंत्री नरेन्द्र मोदी ल पत्र लिखे हे। ए पत्र म ओखर ले छत्तीसगढ़ राज्य ल गरीब कल्याण रोजगार अभियान म तुरते शामिल करे के अनुरोध करे हे।
सीएम बघेल ह पत्र म लिखे हे कि गरीब कल्याण रोजगार अभियान म छत्तीसगढ़ के सब्बो जिला ल शामिल करे ले राज्य के सब्बो प्रवासी श्रमिक मन ल जीवकोपार्जन बर ओखर रूचि अऊ कौशल के अनुरूप रोजगार अऊ स्वरोजगार के अवसर ह प्राप्त हो सकही।
सीएम बघेल ह अपन पत्र म लिखे हे कि भारत सरकार के तरफ ल प्रवासी कामगार मन ल आजीविका के अवसर ल प्रदान करे बर 20 जून के बिहार के खगड़िया जिला ले देश के छह राज्य के 116 जिला म गरीब कल्याण रोजगार अभियान ल सुरू करे गे हे।
जेमा बिहार, उत्तरप्रदेश, मध्यप्रदेश, राजस्थान, झारखंड अऊ उड़ीसा राज्य ल शामिल करे गे हे। योजना म सम्मिलित मध्यप्रदेश, झारखंड अऊ उड़ीसा ह छत्तीसगढ़ के पड़ोसी राज्य हे, लेकिन छत्तीसगढ़ ल छोड़ दे गे हे। जबकि सम्मिलित ए राज्य के भौगोलिक, आर्थिक अऊ सामाजिक स्थिति म काफी समानता हे।
No Comment! Be the first one.