जय जोहार…. छत्तीसगढ़ के वन, आवास अऊ पर्यावरण मंत्री मोहम्मद अकबर ह केंद्रीय पर्यावरण, वन अऊ जलवायु मंत्री प्रकाश जावड़ेकर ल पत्र लिखे हे।
ए पत्र म छत्तीसगढ़ के हसदेव अरण्य अऊ ओखर ले सटे मांड नदी के जलग्रहण अऊ प्रस्तावित हाथी रिजर्व के सीमा म अवइया क्षेत्र म स्थित कोल ब्लाक ल भारत सरकार के तरफ ले करे जवइया अवइया कोल ब्लाक नीलामी म शामिल नई करे के अनुरोध करे हे।
वनमंत्री अकबर ह पत्र म लिखे हे कि छत्तीसगढ़ के ए क्षेत्र म अवइया कोल ब्लाक के नीलामी ले पृथक करे जाना वन अऊ पर्यावरण के सुरक्षा दृष्टिकोण ले उचित होही।
वन मंत्री अकबर ह अपन पत्र म लिखे हे कि छत्तीसगढ़ राज्य के मध्य अऊ उत्तरीय क्षेत्र जेन एक ओर घने वन ले अच्छादित हे। ऊहचे ए पूरा क्षेत्र म कोयला के घलो भण्डार है।
वर्तमान म ए क्षेत्र म अलग-अलग केन्द्रीय, राज्य अऊ निजी संस्थान ल आबंटित क्षेत्र म खनन के कार्य करे जात हे। ए क्षेत्र में राज्य के दू महत्वपूर्ण नदी हसदेव अऊ मांड के जलग्रहण क्षेत्र म घलो कोल ब्लाक के नीलामी ह प्रस्तावित हे।
हाल में छत्तीसगढ़ राज्य म हाथी मन के संख्या में होवत सरलघा वृद्धि, मानव हाथी द्वंद की बाढ़त घटना अऊ हाथी मन के रहवास के आवश्यकता ल देखत हुये हसदेव नदी ले लगे 1995 वर्ग किलोमीटर क्षेत्र ल लेमरू हाथी रिजर्व घोसित करे के निर्णय ल गे हे, जेखर पालन म अधिसूचना प्रकाशन बर कार्यवाही ह प्रगति म हे।
No Comment! Be the first one.