cm भूपेश बघेल ह महात्मा गांधी उद्यानिकी अऊ वानिकी विश्वविद्यालय के करिन भूमिपूजन
जय जोहार…. सीएम (cm) भूपेश बघेल ह आज महात्मा गांधी के जयंती पर अपन निवास कार्यालय ले वीडियो कांफ्रेंसिंग ले दुर्ग जला के सांकरा-पाटन म महात्मा गांधी उद्यानिकी अऊ वानिकी विश्वविद्यालय के भूमिपूजन करिन। एखर संग पाटन-सांकरा, दुर्ग अऊ भिलाई म 253 करोड़ 61 लाख रुपया के लागत वाला 39 निर्माण कार्य के भूमिपूजन अऊ लोकार्पण करिन।
ए अवसर म सीएम बघेल ह कहिन कि छत्तीसगढ़ के पाटन क्षेत्र ह स्वतंत्रता संग्राम सेनानी मन के गढ़ रहे हे। इहां गांव-गांव म बापू के प्रतिमा स्थापित हे। (cm) सांकरा-पाटन म राष्ट्रपिता महात्मा गांधी के नाम म उद्यानिकी अऊ वानिकी विश्वविद्यालय के स्थापना कर महात्मा गांधी अऊ अपन पुरखा ल ह मन ह नमन करत हन।
ए मउका म सीएम बघेल ह भिलाई म आक्सीजोन अऊ लाइब्रेरी स्थापना बर ढाई करोड़ रुपया के स्वीकृति दे हे। सीएम ह दुर्ग के स्टेडियम, कलेक्टोरेट भवन अऊ परिसर के उन्नयन कराए के घोसना करिन। वो हा महात्मा गांधी के 151वीं वर्षगांठ के अवसर म राज्य म ग्रामोद्योग सामग्री म 10 प्रतिशत के विशेष छूट दे जाए के ऐलान करिन।
सीएम (cm) बघेल ह भारतीय राष्ट्रीय कृषक उपज उर्पाजन प्रसंसस्कण अऊ फुटकर सहकारी सघ मर्यादित के सहयोग ले खादी अऊ ग्रामोद्योग बोर्ड के 9 विक्रय केंद्र राज्य के रायपुर, दुर्ग, बिलासपुर, अंबिकापुर, जगदलपुर, बैकुंठपुर, कोरबा, राजनांदगांव, सक्ती अऊ दंतेवाड़ा म प्रारंभ करे के घोसना करिन।
