chhattisgarh: सीएम ह कोण्डागांव अउ दंतेवाड़ा जिला म करीन विकास काम के भूमिपूजन अउ लोकार्पण

जय जोहार…. (chhattisgarh) सीएम भूपेश बघेल ह आज कोण्डागांव अउ दंतेवाड़ा जिला ल विकास काम के सौग़ात देहे। सीएम बघेल ह आज अपन निवास कार्यालय ले वर्चुअल कारीकरम म कोण्डागांव जिला म 204 करोड़ 15 लाख रुपिया के 131 विकास काम के वर्चुअल लोकार्पण अउ भूमिपूजन करीन। ए दौरान सीएम बघेल ह अलग अलग योजना के हितग्राही मन ले चर्चा घलो करीन।

अइसने सीएम बघेल ह दंतेवाड़ा जिला म 340 करोड़ 71 लाख रुपिया के लागत के 657 विकास काम के लोकार्पण अउ भूमिपूजन करे हे। (chhattisgarh) जेमा ले 144 करोड़ 34 लाख 62 हजार रूपया के लागत के 345 काम के लोकार्पण अउ 196 करोड़ 36 लाख 58 हजार रुपिया के 312 काम के भूमिपूजन सामिल हे।

ए अवसर म (chhattisgarh) लोक स्वास्थ्य यांत्रिकी मंत्री अउ कोण्डागांव जिला के प्रभारी मंत्री गुरु रूद्रकुमार, राजस्व मंत्री अउ दंतेवाड़ा जिला के प्रभारी मंत्री जयसिंह अग्रवाल, उद्योग मंत्री कवासी लखमा, स्कूल शिक्षा मंत्री डॉ. प्रेमसाय सिंह टेकाम, मुख्यमंत्री के सचिव सिद्धार्थ कोमल सिंह परदेशी उपस्थित रिहीन। विधायक मोहन मरकाम, संत कुमार नेताम अउ चन्दन कश्यप ह वर्चुअल रूप ले कारीकरम ले जुड़े रिहीन।