chhattisgarh : सीएम भूपेश बघेल ह सूरजपुर अउ कोरिया जिला म 368 विकास कार्य के करिन वर्चुअल लोकार्पण अउ भूमिपूजन

जय जोहार….(chhattisgarh) सीएम भूपेश बघेल ह आज रायपुर निवास कार्यालय म आयोजित वर्चुअल कार्यक्रम म सूरजपुर अउ कोरिया जिला ल 460 करोड़ 14 लाख रुपया के विकास अउ निर्माण कार्य के सौगात दीन हे।

ए मउका म सीएम बघेल ह दुनो जिला म 368 विकास अउ निर्माण कार्य के भूमिपूजन अउ लोकार्पण करिन। (chhattisgarh) जेमा 184 करोड़ 28 लाख 75 हजार रुपया के लागत के 187 कार्य के लोकार्पण अउ 275 करोड़ 85 लाख ३९ हजार रूपया के १८० कार्य के भूमिपूजन सामिल हे। ए मउका म सीएम बघेल ह शासन के अलग अलग योजना के हितग्राही, किसान अउ महिला स्व- सहायता समूह के सदस्य मन ले चर्चा करिन।

कार्यक्रम म (chhattisgarh) गृह मंत्री ताम्रध्वज साहू, कृषि मंत्री रविंद्र चौबे, नगरीय प्रशासन मंत्री डॉ शिव कुमार डहरिया, शिक्षा मंत्री डॉ. प्रेमसाय सिंह टेकाम, अपर मुख्य सचिव सुब्रत साहू उपस्थित रिहिन। कार्यक्रम म विधानसभा अध्यक्ष डॉ चरणदास महंत, कोरबा सांसद श्रीमती ज्योत्सना महंत, संसदीय सचिव, विधायक मन ह वर्चुअल रूप ले सामिल होइस हे ।