लॉकडाउन म छत्तीसगढ़ सरकार के फइसला के सीएम भूपेश बघेल ह सीए वेबीनार म दे हे जानकारी

जय जोहार…. मुख्यमंत्री भूपेश बघेल ह इण्डियन इंस्टीट्यूट ऑफ चार्टर्ड अकाउंटेंट्स के तरफ ले आयोजित वेबीनार म शामिल होय हे। ए अवसर म मुख्यमंत्री बघेल ल प्रदेश के औद्योगिक नीति अउ राज्य के अर्थव्यवस्था ल गति दे के संबंध म लाकडाउन के दौरान उठाय गे कदम के जानकारी दे हे। वेबीनार म छत्तीसगढ़ म उद्योग के संभावना, रोजगार के जियादा ले जियादा अवसर पैदा करने अउ औदयोगिक गतिविधि ल तेज करे के संबंध म विचार-विमर्श करे गिस।
ए वेबीनार म देशभर के चार्टर्ड अकाउंटेंट्स ह शामिल होइस। उद्योग विभाग के प्रमुख सचिव मनोज कुमार पिंगुआ, लघु वनोपज संघ के एमडी संजय शुक्ला, आईसीएआई के पब्लिक अऊ गवर्नमेंट फाइनेंसियल मैनेजमेंट कमेटी के अध्यक्ष धीरज खण्डेलवाल अउ राष्ट्रीय अध्यक्ष अतुल गुप्ता ह ए कार्यक्रम म जुड़े। इण्डियन इंस्टीट्यूट आफ चार्टर्ड अकाउंटेंट्स के रायपुर शाखा अध्यक्ष सीए किशोर बरड़िया अउ सचिव रवि ग्वालानी ह मुख्यमंत्री निवास म उपस्थित रिहिस।