जय जोहार । सीएम भूपेश बघेल (CM Bhupesh Baghel) ले आज विधानसभा के कार्यालय कक्ष म गृह मंत्री ताम्रध्वज साहू के नेतृत्व म नाचा उत्सव समिति दुर्ग ग्रामीण के सदस्य ह सौजन्य मुलाकात करीन । वोहा मुख्यमंत्री ल ग्राम निकुम म होवइया तीन दिन के स्वर्गीय दाऊ रामचंद देशमुख प्रदेस स्तरीय नाचा गम्मत महोत्सव म सामिल होय के आमंत्रण देहे ।
मुख्यमंत्री ह समिति के सदस्य ल आमंत्रण बर धन्यवाद दीन । नाचा उत्सव कमेटी के प्रदेस संयोजक नन्दकुमार साहू ह बताइन कि प्रदेस स्तरीय आयोजन के उद्देश्य नाचा कला ल संरक्षित अउ सम्वर्धित करना हे , जेमा प्रदेस भर के लगभग 357 नाचा-दल सामिल होही । ए अवसर म घसिया राम देशमुख, डॉ. पीलेश्वर कुमार साहू, मुक्ति सुधा दिवाकर अउ मनीष बेलचंदन घलो उपस्थित रिहीन ।
Other Articles
Next
