जय जोहार । (Raipur ) मुख्यमंत्री भूपेश बघेल ह राजधानी रायपुर म आयोजित 34वें ऑल इंडिया एड्वोकेट्स क्रिकेट टूर्नामेंट अउ प्रथम अखिल भारतीय महिला क्रिकेट स्पर्धा के सुभारंभ कार्यक्रम म सामिल होइन। वोहा कार्यक्रम म उक्त स्पर्धा के सुभारंभ अउ ‘ट्रॉफी’ के घलो अनावरण करीन । राजधानी रायपुर म 21 से 28 दिसम्बर तक होवइया टूर्नामेंट के आयोजन ल छत्तीसगढ़ एड्वोकेट्स क्रिकेट एशोसिएशन के तत्वाधान म करे गेहे । ए अवसर म छत्तीसगढ़ हाईकोर्ट के जस्टिस संजय अग्रवाल अउ जस्टिस सचिन सिंह राजपूत विशेष रूप ले उपस्थित रिहीन ।
(Raipur ) ए अवसर म मुख्यमंत्री श्री बघेल ह किहीन कि भले ही ये क्रिकेट टूर्नामेंट है, लेकिन ये देस भर के विद्वान अधिवक्ता के सम्मेलन घलो हे । एखर आयोजन ले अधिवक्ता के न सिर्फ एक-दूसर ले व्यक्तिगत परिचय होही, बल्कि प्रोफेशनल रूप ले घलो लाभान्वित होही । एखर फायदा अधिवक्ता के संगेसंग पक्षकार ल घलो होही । अधिवक्ता मन के ए टूर्नामेंट के आयोजन ले मनोरंजन के संगेसंग ज्ञानवर्धन घलो होही ।
(Raipur ) कार्यक्रम ल अध्यक्ष क्रिकेट एशोसिएशन फॉर एडवोकेट्स इन इंडिया आर. संथानम कृष्णन, अध्यक्ष छत्तीसगढ़ एडवोकेट्स क्रिकेट एशोसिएशन फैजल रिजवी ह घलो सम्बोधित करीन। कार्यक्रम म जिला अउ सत्र न्यायाधीश संतोष शर्मा, अधिवक्ता अशीष सोनी, विवेक सिंह सहित एशोसिएशन के पदाधिकारी और अधिवक्ता खिलाड़ी ह उपस्थित रिहीन ।
No Comment! Be the first one.