Corona : देश म बीते 24 घंटा म होय हे कोरोना के 2.08 लाख ले जादा नवा मरीज के पहचान, पढ़व

जय जोहार…. देश म बीते 24 घंटा म कोरोना (Corona) के 2.08 लाख ले जादा नवा मरीज सामने आय हे। उहचे 2 लाख 95 हजार 955 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 4157 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 2 लाख 08 हजार 427 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 71 लाख 56 हजार 382 हो गे हे। जेमा ले 24 लाख 95 हजार 591 एक्टिव मामला हे।

उहचे 2 करोड़ 43 लाख 50 हजार 816 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 11 हजार 388 संक्रमित के जान चले गे हे।