chhattisgarh : सीएम भूपेश बघेल ह करीन ‘गौठान मैप’ मोबाइल एप के लोकार्पण, गौठान मल्टी ऐक्टिविटी अउ आजीविका प्रबंधन बर होही उपयोग, पढ़व

जय जोहार…. छत्तीसगढ़ (chhattisgarh ) के मुख्यमंत्री भूपेश बघेल ह आज अपन निवास कार्यालय म आयोजित कारीकरम म गौठान प्रबन्धन बर चिप्स डहार ले विकसित ‘गौठान मैप’ (गौठान मल्टी ऐक्टिविटी एवं आजीविका प्रबंधन) मोबाइल एप के लोकार्पण करीन । ए एप डहार ले गोबर खरीदी, गोठान विवरण, चारागाह अउ पैरादान, स्व-सहायता समूह के गतिविधि के जानकारी, अधोसंरचना के पुरा विवरण एक ठीन क्लिक म प्राप्त होही।

चिप्स डहार ले इन-हाउस विकसित एप म पुरा राज्य म संचालित गोठान के गोठानवार डेटाबेस होही, जेमा गोठान म उपलब्ध संसाधन, गतिविधि, हितग्राही अउ सेवाओं के विवरण होही। जियो-टैगिंग के माध्यम ले गौठान के डिजिटल मैपिंग करे जाही। (chhattisgarh ) जेखर ले गौठान के संसाधन के सतत लेखा जोखा उपलब्ध होही. हरेक गोठान म स्व सहायता समूह डहार ले संचालित मल्टी एक्टिविटी के डेटाबेस तैयार होही। ए फ्रेमवर्क ले गौठानों के मुख्य सूचकांक के सटीक निगरानी हो सकही।

ए अवसर म मुख्यमंत्री के विशेष सचिव अउ प्रबंध संचालक गोधन न्याय मिशन डॉ. एस. भारती दासन ह चिप्स ल ए एप निर्माण बर धन्यवाद दीन हे। (chhattisgarh ) कारीकरम म कृषि मंत्री रविन्द्र चौबे, पूर्व केन्द्रीय मंत्री भक्त चरणदास, मुख्यमंत्री के सलाहकार प्रदीप शर्मा, इलेक्ट्रानिक्स अउ सूचना प्रोद्योगिकी के अपर मुख्य सचिव सुब्रत साहू अउ चिप्स के संयुक्त मुख्य कार्यपालन अधिकारी नीलेश सोनी उपस्थित रिहीन।