chhattisgarh म कोरोना टीकाकरण के आंकड़ा तीन करोड़ ले होगे जादा, पढ़व
जय जोहार…. छत्तीसगढ़ (chhattisgarh ) म कोरोना टीकाकरण के आंकड़ा ह तीन करोड़ ले जादा हो गेहे। कोरोना वैक्सीन के पहलइया अउ दूसरइया खुराक ल मिलाके इहां अब तक (20 दिसम्बर तक) तीन करोड़ एक हजार 122 टीका लगाय गेहे। प्रदेस म एक करोड़ 86 लाख 40 हजार 909 मनखे मन ल कोरोना ले बचाव के पहलइया टीका लगाय जा चुके हे ।
पहलइया डोज के सत-प्रतिसत कवरेज ले प्रदेस अब केवल पांच प्रतिसत दूर हे। प्रदेस म कोरोना टीकाकरण बर पात्र मनखे मन के संख्या एक करोड़ 96 लाख 51 हजार हे। (chhattisgarh ) राज्य के 58 प्रतिसत मनखे मन ल कोरोना ले बचाव बर दूनों टीका लगाय जा चुके हे। इहां एक करोड़ 13 लाख 60 हजार 213 मनखे मन ल एखर दूनों टीका लग चुके हे।
कोरोना टीकाकरण के सत-प्रतिसत लक्ष्य ल जल्दीच हासिल करे बर (chhattisgarh ) प्रदेस भर म तेजी ले टीकाकरण करे जात हे। राज्य म विगत 1 दिसम्बर ले समर्थन मूल्य म किसान मन ले धान खरीदी के सुरुवात के बाद खरीदी केंद्र म घलो कोरोनारोधी टीका लगाय जात हे।
