Cm bhupesh baghel ह वीडियो कांफ्रेंसिंग ले जगदलपुर के महारानी अस्पताल म नवा कार्य के करिन लोकार्पण

जय जोहार…. सीएम भूपेश बघेल (cm bhupesh baghel) ह मंगलवार के अपन रायपुर निवास ले वीडियो कांफ्रेंसिंग ले जगदलपुर के महारानी अस्पताल म 7.27 करोड़ रुपए के लगात ले कराय गे नवा कार्य के लोकार्पण करे हे।

ए अवसर पर सीएम बघेल ह कहिन कि बस्तर के लोगन मन के महारानी अस्पताल ले भावनात्मक लगाव हे, नवा सरकार ह महारानी अस्पताल ल ए क्षेत्र के सर्वसुविधा सम्पन्न अस्पताल के रूप म विकसित करे के काम करत हे।

महारानी जिला अस्पताल के सुविधा ह देश के कोनो जिला ले कम नई हे। सीएम भूपेश बघेल (cm bhupesh baghel) ह कहिन कि अभी बस्तर के लोगन मन ल इलाज बर बाहर जाय ल पड़त हे।

राज्य सरकार ह इहां अच्छा ले अच्छा स्वास्थ्य सुविधा उपलब्ध कराय के प्रयास करत हे, जेखर ले बाहर के लोगन मन ह घलो बस्तर आ के अपन इलाज करा सकही।
सीएम भूपेश बघेल ह (cm bhupesh baghel) कहिन कि बस्तर म स्वास्थ्य सुविधा बर डॉक्टर मन के कमी न हो, एखर विशेष ध्यान ल रखे जाये।

महारानी अस्पताल म एक करोड़ के लागत ले मातृ-शिशु स्वास्थ्य संस्थान कादम्बिनी म कराय गे अउ 4.58 करोड़ के लागत ले महारानी अस्पताल म मातृ-शिशु पैथालॉजी लैब, ब्लड बैंक अउ डायलिसिस बर आवश्यक उपकरण के लोर्कापण करिन।

अइसने महारानी अस्पताल म लगभग 50 लाख के लागत ले नेत्र वार्ड के नवीनीकरण, लगभग 49 लाख रूपिया के लागत ले अस्पताल के द्वितीय तल परिवर्धन के कार्य अउ 50 लाख रूपया के लागत ले वर्तमान ओपीडी-एमसीएच के निर्माण कार्य के भूमिपूजन करे हे।

सीएम बघेल ह कार्यक्रम म क्षेत्र के विकास बर सड़क, पुल-पुलिया, शिक्षा, स्वास्थ्य अउ खेलकूद के अधोसंरचना विकसित करे बर 244 करोड़ 25 लाख के लागत ले 61 निर्माण कार्य के लोकार्पण अउ भूमिपूजन करे हे।