CM Bhupesh Baghel ह कोरबा के मेडिकल कॉलेज के करिन वर्चुअल सुभारंभ, पढ़व
जय जोहार…. सीएम भूपेश बघेल (CM Bhupesh Baghel) ह वीडियो कांफ्रेंसिंग के माध्यम ले मंगलवार के रायपुर के विधानसभा स्थित अपन निवास कार्यालय ले कोरबा मेडिकल कॉलेज के सुभारंभ करिन। संगेसंग मेडिकल कॉलेज के नवा भवन के भूमिपूजन घलो करिन।
ए अवसर म सीएम भूपेश बघेल (CM Bhupesh Baghel) ह कहिन कि कोरबा जिला ह अधोसंरचना विकास, पर्यटन, शिक्षा अऊ अब शिक्षा के क्षेत्र म घलो विकास के नवा दिशा पकड़े हे। कोरबा जिला ह छत्तीसगढ़ के एक सुंदर, स्वस्थ अऊ शिक्षित जिला बने राज्य सरकार के ये प्रयास हे।
सीएम भूपेश बघेल (CM Bhupesh Baghel) कहिन कि ये छत्तीसगढ़ के इतिहास म पहिली बार हे, जब एक साल म छत्तीसगढ़ ल चार शासकीय मेडिकल कॉलेज मिलने जावत हे। एमा ले एक साल म कोरबा, कांकेर अऊ महासमुंद म तीन नवा मेडिकल कालेज के स्वीकृति मिलिस। एखर संगेसंग चंदूलाल चंद्राकर स्मृति चिकित्सा महाविद्यालय ल अधिग्रहण करे के निर्णय लिये गिस। एखर ले प्रदेश म चिकित्सा शिक्षा अऊ चिकित्सा सुविधा ल बेहतर बनाय म मदद मिलही।
स्कूल शिक्षा मंत्री डॉ प्रेम साय सिंह टेकाम ह कहिन कि कोरबा मेडिकल कॉलेज भवन के निर्माण ल करीब 325 करोड़ के लागत ले करे जाही। ए कॉलेज म 100 सीट होही।
