Raipur: सीएम भूपेश बघेल ह करिन कोरोना मरीज अउ जरूरत मंद मन बर सुरु करे गे सेवा के वर्चुअल सुभारंभ
जय जोहार…. (Raipur) कोरोना काल म संक्रमित अउ जरूरतमंद मन के सहायता बर रायपुर नगर निगम ह तीन सेवा के सुरुआत करे हे। एमा मुफ्त घर पहुंच आक्सीजन सेवा, गरीब परिवार मन बर राशन वितरण अउ मुफ्त एंबुलेंस सेवा साल हे। ए सेवा के सीएम भूपेश बघेल ह वीडियो कांफ्रेंसिंग ले वर्चुअल सुभारंभ करिन।
छत्तीसगढ़ ह देश के एकठन अईसे राज्य हे, जिहां कोरोना मरीज मन के घर पहुंच मुफ्त आक्सीजन सेवा ल उपलब्ध कराये जाये के सुविधा के सुरुआत करे गे हे। (Raipur) नगर निगम रायपुर के ए सेवा के विस्तार ल जल्दी राज्य के दूसर नगर निगम क्षेत्र म घलो होही।
(Raipur) सीएम भूपेश बघेल ह होम आइसोलेशन म रहवइया कोरोना संक्रमित मन बर मुफ्त घर पहुंच आक्सीजन सुविधा प्रदान करे के नगर निगम के आक्सीजन आन व्हील सेवा के सुभारंभ करिन। एखर संगेसंग गरीब परिवार मन ल मुफ्त सुखा रासन वितरण, कोरोना संक्रमित मरीज के घर ले कोविड मरीज ल कोविड केयर सेंटर अउ स्वस्थ हो चुके मरीज मन कोविड सेंटर ले घर तक पहुंचाय के मुफ्त एंबुलेंस सेवा के सुभारंभ करिन।
