Raipur: सीएम भूपेश बघेल ह अंतर्राष्ट्रीय योग दिवस म अपन निवास म करीन योग के अभ्यास, पढ़व
जय जोहार…. (Raipur) सीएम भूपेश बघेल ह आज सातवां अंतर्राष्ट्रीय योग दिवस म अपन रायपुर के निवास कार्यालय म बिहनिया योग के अलग- अलग मुद्रा के अभ्यास करीन। ए अवसर म सीएम बघेल ह प्रदेस वासी मन ल योग दिवस के बधाई -शुभकामना दीन हे अउ योग ल अपन अनिवार्य रूप ले शामिल करे के अपील करीन।
सीएम भूपेश बघेल ह अपन संदेस म किहीन कि योग ह हमर मन बर बड़अकन महत्वपूर्ण हे। (Raipur) नियमित योग करइया हमेसा निरोगी रहत हे। कोरोना काल म ये स्पस्ट हो गे हे कि सिर्फ धन अउ सम्पदा ही महत्वपूर्ण नई हे, बल्की स्वस्थ तन अउ मन दुनो के आवश्यकता होत हे। एखर सेती तंदुरूस्त रेहे बर नियमित योग बड़अकन जरुरी हे। योग हमर मन के प्राचीन परम्परा हे।
(Raipur) सीएम बघेल ह किहीन कि वर्तमान बेरा म हमन ह सिर्फ भौतिक साधन न ही सफलता के पैमाना मान ले हन। जबकि स्वस्थ तन अउ स्वस्थ मन के बिना हर सफलता ह अधूरा हे। कोरोना संकट के ए दौर म योग के प्रासंगिकता अउ बाढ़ गे हे। छत्तीसगढ़ सासन ह वर्चुअल माध्यम ले योग के प्रसिक्षण के व्यवस्था घलो करे हे।
