godhan nyay yojana : सीएम ह करीन हितग्राही मन के खाता म 5 करोड़ 9 लाख रुपिया ट्रांसफर

जय जोहार । (godhan nyay yojana) मुख्यमंत्री भूपेश बघेल ह आज अपन निवास कार्यालय म आयोजित वर्चुअल कार्यक्रम ले गोधन न्याय योजना के हितग्राही मन ल 5 करोड़ 9 लाख रुपये के रकम के अंतरण ओखर बैंक खाता म करीन ।

ए अवसर म मुख्यमंत्री भूपेश बघेल ह गोधन न्याय योजना (godhan nyay yojana) के सफल क्रियान्वयन बर सबो अधिकारी-कर्मचारी, पसुपालक, ग्रामीण, गौठान समिति के पदाधिकारी अउ स्व-सहायता समूह के महिला -बहिनी मन ल बधाई अउ सुभकामना दीन । वोहा किहीन कि आप मन के सबके समन्वित परयास ले गोधन न्याय योजना के दायरा निरंतर बढ़त जात हे , जेखर लाभ खेती-किसानी के संग सबो मनखे मन ल मिलत हे ।

ए अवसर म कृषि, जल संसाधन, पंचायत अउ ग्रामीण विकास मंत्री रविंद्र चौबे , शिक्षा मंत्री डॉ. प्रेमसाय सिंह टेकाम, मुख्यमंत्री के सलाहकार प्रदीप शर्मा , प्रमुख सचिव स्कूल शिक्षा डॉ आलोक शुक्ला, कृषि उत्पादन आयुक्त डॉ. कमलप्रीत सिंह,सचिव स्कूल शिक्षा डॉ एस भारती दासन, विशेष सचिव कृषि डॉ.अयाज़ तंबोली,समग्र शिक्षा प्रबंध संचालक नरेन्द्र दुग्गा ह उपस्थित रिहीन ।